سيما علياء : 10 افكار للشعر القصير ف صيف 2015

الصيف جه، الشعر الطويل هيبدأ يبقى مزعج، ونلمه طول النار عشان ميضايقناش. طب ليه منقصوش قصة حلوة تغير شكلنا؟ وعلى الشتا هيكون طول متقلقيش.

القصة الحلوة بتعتمد على شكل الوجه، يعني مينفعش تشوفي تسريحة مميزة على صاحبتك وتقرري تقلديها. عشان كده أول خطوة هتساعدك هي معرفة شكل وجهك، والفيديو الجاي هيعرفك شكل وجهك بسهولة.

لينك الفيديو: أضغط هنا

وهنستعرض هنا مجموعة من تسريحات الشعر القصيرة لـ2015 وإيه التسريحة المناسبة على كل شكل وجه.

1- البيكسي

قصة البيكسي القصيرة جدًا، حيوية وجميلة، وتليق مع صاحبات الوجه، البيضاوي، المستطيل، الدائري، والقلب.

2- الغرة الجانبية الطويلة بأطوال مختلفة

في الصورة على الشمال الشعر بطول واحد، ومش مناسب لشكل الوجه الطويل، لكن في الصورة على اليمين القصة القصيرة بأطوال مختلفة مع غرة جانبية، مناسبة جدًا لشكل الوجه، وأعطت الوجه الشكل البيضاوي.

3- القصة الطويلة من الأمام قصيرة من الخلف

وجه كيرا نايتلي مربع، عشان كده القصة المناسبة هي الشعر الطويل من الأمام القصير من الخلف، لأن الأطراف الطويلة على جانبي الوجه بتلفت النظر عن زوايا الوجه الحادة ويتحول للشكل البيضاوي.

4- القصة القصيرة مع غرة جانبية

وجه كاميرون دياز دائري، والغرة الجانبية مناسبة عشان تقلل من الشكل الدائري للجبهة.

5- الغرة الطويلة المفروقة من النصف

قصة تانية لصاحبات الوجه الدائري، الغرة الطويلة بطول الشعر، والمفروقة من النص، خصوصًا لو كان الشعر بطول يصل للذقن، لأن أطراف الشعر مع الغرة بتقلل من الشكل الدائري وتزود من طول الوجه.