في وصفات جداتنا للجمال دايمًا هتلاقي الزيوت الطبيعية، بس مش كل زيت
ملائم للي إنتي عايزاه، ومش عشان زيت طبيعي لازم يبقى مفيد وعمره ما يضر،
زي ما هتعرفي كمان شوية، فيه زيوت مناسبة لنوع معين للبشرة وتضر نوع آخر،
عشان كده هنتكلم عن الزيوت بشكل عام وإيه الاستخدام الأمثل ليها؟
الزيوت المذكورة كلها متوافرة في الصيدليات أو السوبرماركت أو عند العطار.
زيت الورد
زيت
الورد يحتوي على مواد كيمائية ومكونات ليها تأثير إيجابي على مشاكل البشرة
المختلفة، طبعًا زي اغلب الزيوت هو ممتاز في ترطيب البشرة الجافة، وكمان
للبشرة الدهنية هو ممتاز، وكمان ممكن تستخدميه كتونر للبشرة.
ومن
فوائده للبشرة إنه بيقفل المسامات الواسعة ويقلل من إفراز الدهون، وطبعًا
دي من أكبر مشاكل البشرة الدهنية، بالإضافة لذلك هو فيه مضادات للبكتريا
وبالتالي يحمي البشرة من البثور والرؤوس السوداء والبيضاء، وممكن تستخدميه
في حروق الشمس كمان وعلى البشرة الحساسة وله رائحة لطيفة.
الخلاصة:
زيت الورد من الزيوت النادرة اللي ممكن تستخدميها أيًا كان نوع بشرتك سواء
في الترطيب أو التنظيف وقفل المسامات، وضيفيه على أي خلطة للبشرة هفيدك
أكيد.
زيت اللوز
اللوز في حد
ذاته مصدر غني بالمعادن، زي المغنسيوم والكالسيوم والفيتامينات زي فيتامين E
وفيتامين D، أما عن زيت اللوز فيتغلل سريعًا في البشرة يساعدها على التجدد
ويزيد من نضارتها ويقلل جفاف البشرة.
وهو زيت خفيف ومرطب طبيعي
تمامًا للبشرة، ولو عايزة تحمي بشرتك من التجاعيد والخطوط وتزيدي من
إشراقها اخلطي زيت اللوز مع العسل والليمون واصنعي منهم ماسك للبشرة، سيبيه
على وشك لمدة 20 دقيقة قبل غسله.
الخلاصة: زيت اللوز مناسب للبشرة الجافة وبيزيد من نضارة البشرة وممكن تستخدميه في الماسك السابق ذكره.
زيت الزيتون
استخدام
زيت الزيتون للعناية بالبشرة مش اختراع جديد، من أكتر من 5000 سنة وهو
بيستخدم في العناية بالجمال، وده أكيد عشان أثبت طول المدة دي فاعليته.
زيت الزيتون غني بمضادات الأكسدة والفيتامينات A وE ويقلل من ظهور التجاعيد ويرطب البشرة.
زيت جوز الهند
زيت
جوز الهند بيحتوي على ثلاث أنواع من مضادات الأكسدة، وبيقلل من ظهور عوامل
التقدم في العمر وبحميكي من البثور والحبوب، وبيساعد في علاج حروق الشمس
والتخلص من الجلد الميت.
وطبعًا زيت جوز الهند مهم لترطيب
البشرة، عشان كده مهم جدًا لصاحبات البشرة الجافة، وبيعالج الأماكن
المتشققة في الجلد أو الشفاه وأركان الفم وكعب القدم والمرفقين، وكمان
استخدامه بصفة يومية بيفتح لون البشرة بطريقة طبيعية.
الخلاصة: استخدمي زيت جوز الهند لو كنتي من صاحبات البشرة الجافة أو المتشققة.
زيت السمسم
بجانب
استخدامه في الطبخ، ممكن تستخدمي زيت السمسم في العناية ببشرتك، فهو غني
بفيتامين E وبيحمي البشرة من أشعة الشمس، وبيأخر ظهور التجاعيد، وبيحمي
بشرتك من البكتريا والفيروسات.
الخلاصة: لو كانت بشرتك جافة أو فيها تجاعيد، استخدمي زيت السمسم؛ هيغذي بشرتك ويرطبها.
زيت عباد الشمس
زيت
عباد الشمس غني بفيتامين E أكتر من باقي الزيوت الأخرى، الفيتامين ده مهم
للبشرة الحساسة وبيحمي البشرة من أشعة الشمس الضارة، وبيقلل من ظهور
التجاعيد ويخفي آثار الجروح وعلامات الحبوب بالمواظبة على الاستخدام، وكمان
هو غني بفيتامين A وC، عشان كده بيحمي البشرة من العدوى البكتيرية ومرطب
مثالي للبشرة.
الخلاصة: زيت عباد الشمس مثالي لصاحبات البشرة الحساسة والبشرة الجافة.
لينك المقال الاصلي : إزاي تستخدمي الزيوت الطبيعية لجمالك
ليست هناك تعليقات:
إرسال تعليق