10 مشروبات منقية للجسم

كلنا عارفين إن الأكل اللي بناكله والمناخ اللي عايشين فيه كله تلوث وسموم، عشان كده حبيت أعرضلكم المرة دي مجموعة مشروبات لتنقية الجسم، واستخدامها مع الدايت مفيد جدًا وبيساعد على حرق الدهون.

فيه حاجات منها بنشربها بس منبعرفش فوائدها، وحاجات عمرنا ما تخيلنا إنها بتتشرب أساسًا.

1- عصير الأناناس الطازج

الأنزيمات الموجودة في عصير الأناناس بتطرد السموم من الجسم، ده غير فيتامين ب1 وفيتامين سي الموجودين فيه.

2- النعناع

كلنا عارفين النعناع كمهدئ، لكن كمان فيه فوائد تانية ممكن ننساها، زي إنه بيعالج عسر الهضم، الغثيان، الانتفاخ، القولون العصبي.

3- عصير التفاح

مصدر شهي وغني بمضادات الأكسدة، بينضف الكبد والكلى وأكيد نافع في حالات الجفاف.

4- ماء بليمون

كوب مياه بالليمون قبل النوم وبعد الاستيقاظ مباشرة وصفة سحرية، لأن الليمون بينضف الدم وبيصلح نظام الجسم بالكامل.

5- الشاي الأخضر بالنعناع

مش بس منقي من السموم، لكن كمان بيزود من الحرق، يعني مثالي جدًا للدايت.

6- الزنجبيل

زي النعناع، له فوائد مهدئة ومريحة للأعصاب، بالإضافة إنه مريح للمعدة وبيساعد على بقاء الجسم نظيف.

7- الخليط الذهبي

مكون من الكركم اللي بيزود الحرق وبينقي الكبد من السموم الكيميائية وبيساعد على تكسيرها، بالإضافة للزنجبيل بكل فوائده المذكورة قبل كده، وعصير الليمون اللي بيحسن الطعم، الخليط بيتغلي لغاية ما المكونات تدوب.

8- عصير الجزر

على قمة المشروبات المنقية من السموم، بسبب مميزاته اللي ملهاش نهاية، كميات من فيتامين أ، مضادات أكسدة ومعادن، وبيستخدم في علاج الالتهابات المعوية، ده غير معالجة الإمساك ومشاكل الهضم.

9- الكوكتيل البرتقالي

اللطيف بقى إنه مفيهوش برتقال، هو متكون من الجزر والكرفس والتفاح، وكل واحد منهم فوائده أكتر من اللي قبله، والطعم لطيف ومقبول جدًا على غير العادة.

10- عصير البيتزا

أكيد مش هنحط البيتزا في الخلاط، هو بيتكون من الطماطم والفلفل الأخضر، نعتبرها مرة ناكل فيها مكونات البيتزا بطريقة صحية.

ممكن حاجات من اللي فوق منقدرش نتقبلها كعصير بس نقدر ندخلها في نظامنا الغذائي بشكل أو بآخر، على الأقل بنساعد جسمنا بطريقة طبيعية ومفيدة بكل الأحوال.
لينك المقال الاصلي:10 مشروبات منقية للجسم