خلال الشهور الأولى من رحلة الأمومة إحنا كأمهات بنكون متحمسات جدًا
لكل خطوة جديدة، وطبعًا الأكل الصلب من أهم الحاجات اللي بنستناها، لكن لو
نعرف الحقيقة المرة كان حماسنا ده قل كتير.
الأطفال
مش زي ما إحنا معتقدين، كائنات هتحب الأكل من أول نظرة، وكل اللي هنقدمه
ليها بتقبله، الطفل زي الشخص البالغ، عنده حاسة التذوق نشطة وفعّالة، وممكن
يبقى انتقائي جدًا في أكله، ولكن للأسف على عكس الشخص البالغ مش كل حاجة
بتصلح معاه، وده سبب حيرة أمهات كتير في أكل أطفالها، خصوصًا في السن من
عام لعامين.
السن المثالي لأكل الأطفال واللي
بينصح بيه الأطباء من ست شهور، والفترة من ست شهور لسنة بتقدم الأم الأكل
لطفلها كل نوع لوحده، ولما الطفل يتقبل النوع ده وتتأكد إنه مش بيسبب
حساسية تقدر تدخّل النوع التالي، وطبيب الأطفال ممكن يساعد الأم في الفترة
دي، وينصحها بالأكل المناسب في الوقت المناسب.
هنا
إحنا بنتكلم عن المرحلة التالية، الطفل قادر على أكل كل أنواع الطعام من
بروتينات ونشويات وخضراوات وفاكهة، ولكن بقاله إرادة حرة مطلقة، ويقدر يرفض
كل اللي بتقدميه، وهنقترح عليكي هنا مجموعة وصفات للأطفال من سن سنة، شهية
ومفيدة وسهلة التنفيذ.
فطائر البطاطس المهروسة
المكونات:
- 2 كوب من البطاطس المهروسة.
- ربع كوب من جبن البارميزان (ممكن تبدليه بأي نوع جبن موجود).
- بيضة مخفوقة.
- 7 ملاعق من الدقيق.
- زيت أو زبد للقلي.
الطريقة:
- استخدمي طبق عميق، واخلطي البطاطس المهروسة مع الجبن مع البيضة مع 3 ملاعق من الدقيق، وقلبي حتى الامتزاج التام.
- خدي كرة متوسطة من خليط البطاطس وشكليه في شكل فطيرة صغيرة.
- ضعي باقي الدقيق في طبق.
- كل قطعة من فطيرة البطاطس ضعيها في الدقيق.
- ضعي طبقة رفيعة من الزيت أو الزبدة في مقلاه على درجة حرارة متوسطة.
- حمّري كل الفطائر لمدة 3 دقائق على كل وجه أو حتى تحولها للون الذهبي.
- لو بتحبي توفير الوقت، ممكن تعملي كمية كبيرة وتخزنيها في الفريزر لمدة تصل لأربع شهور.
شوربة الجزر والقرنبيط
المكونات:
- ملعقة صغيرة من زيت الزيتون.
- بصلة صغيرة مقطعة.
- 2 كوب من الشوربة المصفاة سواء خضار أو لحم أو دجاج.
- 3 أكواب ماء.
- أربع أكواب من القرنبيط المقطع.
- ثلاث أكواب من الجزر المقطع.
- ملعقة ونصف صغيرة من الكاري.
- ملعقة صغيرة من القرفة.
- ملعقة صغيرة من الملح.
الطريقة:
- سخني الزيت على نار متوسطة، واتركي البصل لمدة ثلاث دقائق.
- ضعي الماء والشوربة.
- ضعي باقي المكونات.
- سيبيها على النار لمدة من ربع لتلت ساعة أو لما الخضروات يمكن هرسها بالشوكة.
- استخدمي الخلاط أو البليندر في هرس المكونات حتى تختفي كل الكتل.
أصابع الفرينش توست:
المكونات:
- 2 بيضة.
- نصف كوب من اللبن.
- ملعقة صغيرة من القرفة.
- 2 ملعقة صغيرة من العسل.
- 5 شرائح توست بدون حواف ومقطعة بعرض 2 سم.
- ملعقة كبيرة من الزبدة.
الطريقة:
- في طبق متوسط العمق، اخلطي البيض مع الحليب والقرفة والعسل.
- ضعي كل قطعة توست في مزيج البيض.
- سخّني مقلاه أو الشواية على حرارة متوسطة وضعي الزبدة، وحمري قطع التوست لمدة 3 دقائق على كل جانب أو الوصول للون الذهبي.
- قدّميه مع العسل.
أصابع الجزر المقرمشة
المكونات:
- كوب من الدقيق.
- 2 ملعقة كبيرة من جبن البارميزان أو أي نوع تاني.
- نص ملعقة صغيرة من الباكينج باودر.
- نصف ملعقة صغيرة من الملح.
- نصف كوب من الجزر المقطع أصابع.
- ملعقة كبيرة من الزيت النباتي.
الطريقة:
- سخني الفرن على درجة حرارة 200.
- اخلطي الدقيق مع الجبن والباكينج باودر والملح.
- ضعي الجزر في الخليط.
- امسحي إيدك بالزيت وامسكي كل قطعة بحيث خليط الدقيق يتشرب الزيت قدر الإمكان، وممكن تستخدمي كمية أكبر من الزيت.
- ضعي قطع الجزر في صينية ودخليها الفرن ربع ساعة، واتركيه يبرد قبل التقديم.
- ممكن تحضري كمية وتجمديها لكن هيحتاج دقيقتين أو ثلاثة أكثر في الطهي.
المصدر: أضغط هنا
للمقال الاصلي:اضغط هنا
ليست هناك تعليقات:
إرسال تعليق